Pascala Respaud e le grop Revelhet

De mainada, qu'ajèri una passion per la musica de las sardanas e l'acòrdeon !

Fusquèri en contact ambe les prumièrs cantaires occitans, Martí, Perlinpinpin Fòlc (ambe les acordeonistes Marc Perrone e Patrick Cadeillan), Rosina de Peire, e sustot le grop Nadau, que'm prestèc le prumièr acòrdeon diatonic.

 

Participèri a la creacion d'un talhèr Arts e Tradicions Populars de dança, cant e musica tradicionals a Foish a partir de 1976, escambis amb les gropes folcloriques de l'Arièja al torn de l'aboès e de las borrègas,colectages, animacions.

Creacion de l'Associacion Revelhet en 77, per fèr....creacion : concèrts de cançons en occitan amb un grop de quatre joves de vingt ans !

Aprets l'acòrdeon demorèc longtemps un "utís" de trebalh per l'escòla mairala ont trebalhava juscas aquestas darrèras annadas ont l'associacion Revelhet tornèc neisher ambe novèls musicians.

Ei compausat unas musicas especialas per l'acòrdeon, e al costat ensaji de traduiser ambe l'acòrdeon la ritmica particulièra de las musicas tradicionalas occitanas.

 

 Le grope Revelhet d'ara :

Un revelhet es una aubada dijós la finèstra de la persona qu'òn aima, per desvelhar la vida, amb una lenga enrasigada dins les nòstres países d'Arièja, una musica cargada d'emocion que barreja creacion e tradicion, a escotar o a dançar, musica de carrèra o de canton.

Fasem espectacle de contes en musica, (tanben presentacion especiala pels mainatges), concèrt ambe polifonias e tot una còlha d'instruments, e tanben bal tradicional al torn de las borrègas d'Arièja ambe possibilitat de talhèr d'ensenhament d'aquestas danças especificas.

 

Dempei 2008, avem jogat musica de passa-carrèra ambe la Fanfarra Transpirenenca (rencontre de catalans, aragoneses e occitans),

avem enregistrat quatre discs de Revelhet ambe collaboracions,

-A la Montanha, cançons tradicionalas de l'Arièja, 2009

-Brouzenac : composicions mèunas al torn de l'accòrdeon, 2010

-Remenilh, votzes de femnas, 2013

-Faribòlas e bimbaròlas, 2019,

-dus libres-CD de contes en occitan amb l'Ostau Comenges,

e feit tot un ramat de concèrts , bals, animacions escolarias e espectacles de contes, entre Tolosa e Arièja e le long de las Pireneas, tanben costat aragones e catalan..

 

Barcelona 2016

http://www.jornalet.com/video/457/barcelona-tv-aranesoc-revelhet